கேள்விக்கு மட்டும் பதில் பேசாலைதாஸ்
ஒரு முறை ஒரு இளைஞன் ஒரு கிராமப்புற பெண்ணை பெண் பார்க்கச் சென்றான். அவனுக்கு அந்தப் பெண்ணை மிகவும் பிடித்திருந்தது.
அவன் வீடு திரும்பிச் சென்றதும் அந்தப் பெண்; நீ என்ன தொழில் செய்கிறாய்? என்று கேட்டு ஒரு கடிதம் எழுதினாள்.
இந்தப் பொன்னான சந்தர்ப்பத்தைப் பயன்படுத்திய அவன், தான் வீரதீரன் என்பதை எடுத்துக் காட்ட வீர வசனம் பேசி கவிதை ஒன்றைப் பாடி அனுப்பினான்.
'என் தொழில் என்னவென்று கேட்பவர்களுக்கு நான் சொல்லும் ஒரே பதில்;
சண்டை என்று வந்தால் முதலில் வந்து நிற்கும் குதிரை வீரன் நானே! யுத்தம் என்று வந்தால் களத்தில் படைகளின் நடுவே எழுந்து நிற்கும் வாள் வீரனும் நானே!
கடிதம் கிடைத்ததும் அவள் பின்வருமாறு பதில் எழுதி அனுப்பினாள்.
உன் வீரத்தை நான் பாராட்டுகிறேன். நீ ஒரு ஆண் சிங்கம், ஆதலால் நீ ஒரு பெண் சிங்கத்தை தேடிப் பார்த்துக்கொள். நான் ஒரு பெண் மான், ஒரு ஆண் மானை நான் தேடிக்கொள்கிறேன்.
படிப்பினை:- கேட்ட கேள்விக்கு மாத்திரம் பதில் சொல்லப் பழகுங்கள்
கருத்துகள் இல்லை:
கருத்துரையிடுக