பிறப்பு, இறப்பிலிருந்து விடுதலை
கோஷு என்பவர் யூ-இ என்ற ஒரு ஜென் குருவிடம் வந்தார்.
"நான் பல ஆண்டுகளாக ஜென் பயிற்சி மேற்கொண்டு வருகிறேன். ஆனால், இன்னும் வெற்றி பெறவில்லை. எனக்கு வழிகாட்டி அருளுங்கள்" என்று கூறினார்.
யூ-இ கூறினார், ‘ஜென் பயிற்சியில் எந்த இரகசிய ஜால வேலையும் கிடையாது. பிறப்பு, இறப்பிலிருந்து விடுதலை பெறுவதே அது!’ என்று.
‘பிறப்பு-இறப்பிலிருந்து ஒருவர் எப்படி விடுதலை பெறுவது?’ என்று கேட்டார் கோஷு.
‘உன்னுடைய ஒவ்வோர் எண்ணமுமே பிறப்பு, இறப்புதான்!’ என சற்றுக் குரலை உயர்த்திச் சொன்னார் யூ-இ.
இந்த வார்த்தைகளைக் கேட்டவுடன் கோஷு பரவசமடைந்தார். ஒரு பெரும் சுமையைக் கீழே இறக்கி வைத்த உணர்வு அவருக்கு ஏற்பட்டது!
