இயேசுவே கையாலாகாதவரா?
நினேகாவுக்கு சுமாரான ஒரு சுரிதார் மட்டும் பொதுமானதாக இருந்தது, அதற்கும் அவளுக்கு வழியில்லை. சினேகா இப்பதான் காதலில் விழுந்துள்ளாள், அவளின் பிரியமானவனுக்கு முன் னாள் ஒரு நல்ல சுரிதாருடன், பெருநாள் அன்று அவனுக்கு வாழ்த்து சொல்லவேண்டும் என்று மனம் ஏங்கியது, அது முடியாது என்று சினே காவுக்கு தெரியும். அவள் என்ன செய்வாள்? அவளின் அப்பா ஒரு கச நோயாளி தம்பி தங்கைமார் உட்பட எல்லாமாக குடும்பத்தில் ஐந்து பிள்ளைகள், சினேகாதான் மூத்தவள். அவளின் அம்மா மேரியின் கடலை வியாபாரம், மீன் வெட்டுதல் இதில் தான் அந்த குடும்பம் சராசரி வாழ் க்கையோடு நகர்கின்றது. இந்த இலட்சணத்தில், சினேகாவின் சுரிதார் கனவு சிதைந்து போனது. திருநாள் திருப்பலியை நிராகரிப்பதைவிட வேறு வழி சினேகாவுக்கு தெரியவில்லை. அதற்குத்தான் உடம்பு சரியில்லை என்ற இந்த முன்னேற்ற நாடக ஒத்திகை!
திருநாள் திருப்பலி நடைபெற்றுக்கொண்டிருக்கி ன்றது. எல்லோரும் தரையில் உட்காரும் சந்தர்ப்பத்திற்காக, கோவில் விறாந்தாவில் புஸ்பம் அகங்காரமாக நிற்கின்றாள். எல்லோரும் தரை யில் உட்கார்ந்த பின்னார் நடுக்கோவிலில் நடந்து வந்தால் தானே சாரியின் பெறுமதி எல்லோர் கண்களுக்கும் படும், இந்த நுட்பம் புரியா தாவளா புஸ்பம்! புஸ்பம் கையை விசுக்கி விசுக்கி நடுக்கோவில் வாசலில் நடக்கின்றாள். அவளின் ஐந்து அடுக்கு காப்புகள் சப்தம் வேறு எழுப்புகின்றது, அந்த சப்தம் புஸ்பத்தின் செவிகளுக்கு இதமாக இருந் தது. பக்தர் எல்லோரும் புஸ்பத்தின் சாரிக்கு -கண்களால் ஆராதனை நடத்தினார்கள். புஸ்பத்தின் சாரிதான், சாராய தவறனை அருளரின் மனைவி வனஜாவின் சாரியைவிட பெறுமதி வாய்ந்தது என்று தேர்தல் முடிவுகள் கோவிலுக்குள் வெளியாகிக்கொண்டிருந்தன.
சுவாமியார் கோவில் பலிபீடத்தில் பிரசங்க பிரங்கி தாக்குதல் நடத்திக்கொண்டிருந்தார். இயேசு நம் எல்லோரின் துன்பங்களையும் தன் துன்மாக ஏற்று, நம் எல்லோரின் பாவங்களின் பரிகாரமாக தன் உயிரை சிலுவை சாவுக்கு கையளிக்க எல்லாம் வல்ல இறை மகன் தன்னையே தாழ்த்தி, சிலுவை மரணத்துக்கு ஒப்புவித்தார்! சுவாமியாரின் பிரசங்க தாக்குதல் எல்லோர் மனங்களையும் தாக்கிய தோ தெரியவில்லை, ஆனால் ஏழை மேரியின் ஏக்கம் மட்டும் இயேசுவை துடிதுடிக்கவைத்தது. தன் மகள் நினேகா பூசைக்கு வரமுடியாது போனதே என்று எண்ணி, எண்ணி அழுதாள் மனதுக்குள் புழுங்கி னாள்,இயேசுவே நீயும் என்னைப்போல கையாளாகாதவன் போல சிலுவையில் தொங்குகிறயா? என்று அந்த ஏழை மேரி மனதுக்குள் கண்ணீர் வடித்தாள்! யாவும் கற்பணையே! பேசாலைதாஸ்
கருத்துகள் இல்லை:
கருத்துரையிடுக